अनोखी स्पर्धा
स्पर्धा ती अनोखीच झाली
मंत्री, आमदार होते त्यातही
जय्यत तयारी त्यांची , म्हणे
खड्यांवर बोलू काही
वडखळलाच सारे अडखळले
म्हणे इथेच करू या स्पर्धा
बक्षीसातही राखून ठेवू
आपापला वाटा अर्धा
छगनराव सरसावले...म्हणाले
बोलण्यापेक्षा करूनच दाखवतो
रस्त्यासोबत सा-यांनाच सन्मान हवा
खड्ड्यालाही समाजात आम्ही स्थान देतो
रवीशेठने घेतला चानस
स्थानिक म्हणून सांगतो ऐका
वेळच मिळाला कमी
नाहीतर खड्यातही खड्डा असता
तटक-यांनी माईक घेतला
रायगडचा इतिहास कथन केला
गाड्यांऐवजी घोडा वापरण्याचा
सा-यांनाच त्यांनी सल्ला दिला.
जयंतरावांचे नाव पुकारले
तेव्हा ते त्यांच्या बोटीत होते
खड्डे तसे चांगलेच आहेत
म्हणाले घेऊ बोटींचे नवीन ठेके
मधुशेठने आवाज टाकला
पीएच्या लॅपटॅवर निरोप धाडला
खड्डेमय भारत निर्माणाचा
सोनियांना अर्जच मेल केला
कागदांचा ढीग घेत
किरीट प्रकट झाले होते
खड्डे नाहीत हो हे...धरणेच ती
म्हणत पाटबंधारेवरच घसरले होते
खड्यांचा फॅन्सी ड्रेस करीत
बबनदादांचे शिलेदारही होते
सामुहिक निषेधापलीकडे
त्यांना काय सुचतच नव्हते
स्पर्धा रंगत होती,
खड्डा वाढत होता
काळरात्र सुरू झाली तरी
मशाली काही पेटत नव्हत्या....
दीपक शिंदे, महाड
No comments:
Post a Comment